برازیل سے تعلق رکھنے والے میاں بیوی نے ایسے شادی شدہ جوڑے کا عالمی ریکارڈ اپنے نام کرلیا ہے جن کی شادی کو 8 دہائیوں سے زائد طویل عرصہ گزر ہوچکا ہے۔
105سالہ مینول اینگلیم ڈینو اور ان کی اہلیہ 101 سالہ ماریا ڈی سوزا ڈینو کی شادی 1940 میں انجام پائی تھی۔
گنیز بک آف ورلڈ ریکارڈ کی جانب سے جاری بیان کے مطابق 14 فروری 2025 کو دونوں کی شادی کو 84 سال 77 دن مکمل ہوگئے تھے۔
گنیز ورلڈ ریکارڈ نے اس کی تصدیق LongeviQuest نامی ویب سائٹ کی مدد سے کی۔ یہ ویب سائٹ 100 سال سے زائد عمر کے افراد کے ڈیٹا کو ٹریک کرتی ہے۔
اس معمر جوڑے کی پہلی ملاقات 1936 میں ہوئی تھی اور ان کی شادی 1940 میں برازیل کے شہر Ceará میں ہوئی۔
شادی کا طویل دورانیہ گزارنے والے ان دونوں میاں بیوی کے اس وقت 13 بچے ہیں اور 55 پوتے پوتیاں، نواسے نواسیاں جبکہ ان سے بھی آگے کی نسلوں کے 66 بچے خاندان میں موجود ہیں۔
اب تک دنیا میں سب سے طویل شادی کے دورانیے کا ریکارڈ ڈیوڈ جیکب ہیلر اور سارہ ڈیوی ہیلر کے پاس ہے جن کی شادی 88 سال 349 تک برقرار رہی تھی۔ ان دونوں کی شادی 1809 میں ہوئی تھی۔
