کیو: یوکرین کی 15 سالہ لڑکی نے اپنی دراز زلفوں سے ناصرف دنیا کو ورطہ حیرت میں مبتلا کردیا بلکہ ریکارڈ اپنے نام کرتے ہوئے بھارت کو پیچھے چھوڑ دیا۔
غیرملکی خبررساں ادارے کی رپورٹ کے مطابق یوکرینی 15 سالہ دوشیزہ کے بالوں کی لمبائی 8 فٹ ہے۔
یوکرین کے دارالحکومت کیو سے تعلق رکھنے والی 15 سالہ اولینا بچپن سے اپنے بال بڑھا رہی ہیں، اولینا ناصرف اپنے بالوں کا بے حد خیال رکھتی ہیں بلکہ بالوں نشونما کے لیے خاص جڑی بوٹیاں بھی استعمال کرتی ہیں۔
دوسری جانب اولینا کی والدہ ان کی بیٹی بالوں کو لمبا کرنے کے لیے کوئی خاص چیز استعمال نہیں کرتی ہے بلکہ عام لڑکیوں کے ساتھ شیمپو اور کنڈیشنر استعمال کرتی ہیں۔
اولینا نے اپنی زندگی میں آج تک بال نہیں کٹوائے، سنہری زلفوں نے جہاں دیکھنے والوں کو دنگ کردیا ہے وہیں اُس نے اپنے خوبصورت بالوں کی بنا پر نیشنل ریکارڈ قائم کرتے ہوئے دنیا میں 18 سال سے کم عمر لڑکی کے سب سے بال ہونے کا اعزاز بھی حاصل ہے۔
اس اعزاز کو جلد باقاعدہ طور پر گنیز بک آف ورلڈ ریکارڈ میں درج کیا جائے گا۔
مزید پڑھیں: جتنا قد اتنے لمبے بال، گجراتی لڑکی نے گنیز ورلڈ ریکارڈ کا اعزاز حاصل کر لیا
واضح رہے کہ اس سے قبل یہ گنیز ریکارڈ 16 سالہ بھارتی لڑکی نیلاشی نے 5 فٹ 7 انچ لمبے بالوں کے ساتھ قائم کیا تھا۔