The news is by your side.

Advertisement

لانگ مارچ : فواد چوہدری سمیت 200 افراد کے خلاف مقدمہ درج

جہلم : لانگ مارچ کے دوران غیر قانونی ریلی نکالنے اور پولیس پر پتھراؤ کے الزام میں تحریک انصاف کے رہنما فواد چوہدری سمیت 200 افراد کیخلاف مقدمہ درج کرلیا گیا۔

تفصیلات کے مطابق پنجاب میں تحریک انصاف کی قیادت کے خلاف مقدمات کے اندراج کا سلسلہ جاری ہے ، تحریک انصاف کے رہنما فواد چوہدری اور فراز چوہدری سمیت 200افراد کیخلاف مقدمہ درج کرلیا گیا۔

ایف آئی آر مختلف دفعات کے تحت تھانہ منگلامیں درج کی گئی ہے ، جس میں غیرقانونی ریلی نکالنے اور پولیس پر پتھراؤ کا الزام عائد کیا گیا ہے۔
.
ایف آئی آر کے متن میں کہا گیا ہے کہ شرکا ریلی کے پتھراؤ سے پولیس اہلکار زخمی ہوئے جبکہ پتھراؤ سے پولیس وین اور دیگر گاڑیوں کو نقصان پہنچا۔

متن میں کہا ہے کہ فواد چوہدری میرپور سے ریلی کی قیادت کرتے ہوئے جہلم آنا چاہتے تھے۔

اس سے قبل لاہور کے مختلف تھانوں میں سینئر قیادت کے خلاف سرکارکی مدعیت میں مقدمات درج کئے گئے تھے، رہنماؤں میں جمشید اقبال چیمہ، مسرت جمشید چیمہ، حسن نیازی اور زبیر نیازی سمیت پارٹی کارکناں شامل تھے۔

مقدمات صوبائی دارالحکومت کے تھانہ گلبرگ، بھاٹی گیٹ، شاہدرہ اور اسلام پورہ تھانوں میں پولیس اہلکاروں پر تشدد، اہلکاروں کو اغوا اور اینٹی رائٹ سامان چھیننے کے الزامات کے تحت درج کئے گئے جبکہ مقدمات میں سرکاری املاک کونقصان پہنچانے پر سنگین دفعات لگائی گئیں۔

Comments

یہ بھی پڑھیں