The news is by your side.

Advertisement

لورالائی: ٹرک اور کار میں ٹکر،5 افراد جاں بحق

لورالائی: صوبہ بلوچستان کے علاقے لورالائی میں ٹرک اور کار میں تصادم ہوا جس کے نتیجے میں 5 افراد جاں بحق جبکہ 3 زخمی ہوگئے۔

تفصیلات کے مطابق بلوچستان کے علاقے لورالائی میں افسوس ناک حادثہ پیش آیا جہاں تیز رفتار ٹرک اور کار میں ٹکر ہوئی جس کے نتیجے میں 5 افراد جان کی بازی ہار گئے۔

پولیس حکام کا کہنا ہے کہ حادثے میں 3 افراد زخمی ہوئے جنہیں طبی امداد کے لیے اسپتال منتقل کر دیا گیا ہے۔پولیس کا کہنا ہے کہ قانونی کارروائی کے بعد لاشوں کو ورثا کے حوالے کیا جائے گا۔

دوسری جانب فیصل آباد کے علاقے سمندری میں موٹروے پر تیز رفتار کار ٹرک سے ٹکرا گئی، حادثے میں 4 افراد جاں بحق اور 4 زخمی ہوگئے، ایک زخمی کی حالت تشویش ناک ہے۔

پولیس کا کہنا ہے کہ ہفتے کی صبح سمندری سے آٹھ افراد کار میں موٹروے،رجانہ انٹرچینج سے لاہور جا رہے تھے، تیزرفتاری کے باعث کار ڈرائیور سے بے قابو ہو کر آگے جانے والےٹرک سے ٹکرا گئی۔

خوفناک حادثے میں کار مکمل تباہ طور پر تباہ ہوگئی اور ڈرائیور سمیت چار افراد موقع پر ہی جاں بحق ہوگئے۔

Comments

یہ بھی پڑھیں