لندن : برطانوی رکن پارلیمنٹ لارڈ نذیر احمد نے کہا ہے کہ بھارت تحریک آزادی کشمیر کو بدنام کرنے کی ہر ممکن کوشش کر رہا ہے، پاکستانی سیاستدان مسئلہ کشمیر کی بجائے زیادہ ٹوئٹ کرکٹ پر کرتے ہیں۔
اسلام آباد میں کشمیر کانفرنس سے خطاب میں لارڈ نزیر احمد کا کہنا تھا کہ گوگل سرچ انجن میں کشمیر پر پاکستان کا مناسب موقف سامنے نہیں آتا، بھارت میں مودی کے بعد اب یوگی بھی آ گیا ہے، بھارت میں انتہاء پسندی تیزی سے فروغ پا رہی ہے۔
انہوں نے کہا کہ بھارت میں مسلمانوں پر طرح طرح کے مظالم ڈھائے جا رہے ہیں، نوازحکومت کے گلگت بلتستان کو صوبہ بنانے کے یکطرفہ فیصلے کے سخت خلاف ہوں، مقبوضہ کشمیر میں بھارت ریاستی دہشت گردی کر رہا ہے۔
مزید پڑھیں : کشمیریوں کو مولانا فضل الرحمن سے نجات دلائی جائے، لارڈ نذیر احمد
لارڈ نذیر نے کہا کہ ہاؤس آف لارڈ میں بھارت میں بڑھتی انتہا پسندی پر سوال جمع کروا رکھا ہے، دنیا کو گوشت بر آمد کرنے والے بھارت میں مسلمانوں و مسیحوں کو گوشت کھانے کی آزادی نہیں۔
انھوں نے مزید کہا کہ مولانا فضل الرحمان کشمیر کاز کے لئے فٹ نہیں ہیں، گلگت بلتستان کو صوبہ بنانے پر وزیر اعظم سے رابطہ کرنے پر ملاقات سے معزرت کر لی گئی ہے ، مسئلہ کشمیر پر سنجیدگی دکھانے کیلئے یاسین ملک اور کشمیریوں کی حمایت کرنا ہو گی، پاکستانی سیاستدان مسئلہ کشمیر کی بجائے زیادہ ٹوئٹ کرکٹ پر کرتے ہیں۔
