امریکی ریاست کیلیفورنیا کے شہر لاس اینجلس میں لگی آگ سے انشورس کمپنیوں کے لیے سب سے مہنگی آگ بن گئی۔
غیر ملکی میڈیا رپورٹ کے مطابق امریکی ریاست کیلیفورنیا کے شہر لاس اینجلس میں لگنے والی آگ کے باعث انشورنس کمپنیوں کے نقصانات کا تخمینہ اربوں ڈالر تک پہنچ گیا۔
رپورٹ کے مطابق صرف لاس اینجلس کے جنگلات میں لگنے والی آگ سے بیمہ شدہ نقصانات 28 ارب ڈالر تک پہنچ گئے۔
امریکی اور یورپی انشورنس کمپنیوں کو اس آفت کے نتیجے میں اربوں ڈالر کے انوشورنس کلیمز کا سامنا کرنا پڑسکتا ہے، گزشتہ چند سالوں کے دوران جنگلات میں لگنے والی آگ اور دیگر قدرتی آفات کے باعث انشورنس کمپنیوں کو کیٹسٹرافی کلیمز میں اضافے کا سامنا رہا ہے۔
خیال رہے کہ لاس اینجلس میں 7 جنوری سے مختلف مقامات پر لگی آگ پر مکمل طور پر قابو نہیں پایا گیا ہے اور یہ آگ اب تک تقریباً 40 ہزار ایکڑ رقبے کو جلاکر خاکستر کرچکی ہے۔
لاس اینجلس آگ: ٹرمپ کا کیلی فورنیا کے گورنر سے مستعفی ہونے کا مطالبہ
