The news is by your side.

10 دن میں 5 کلو وزن کم کرنے کا طریقہ

آج کل غیر معیاری، جنک فوڈ کھانے اور غیر فعال زندگی گزارنے کی وجہ سے موٹاپا عام ہوتا جارہا ہے جو بہت سی بیماریوں کا سبب بن سکتا ہے۔ ماہرین کے مطابق وزن کو کنٹرول میں رکھنا بے حد ضروری ہے۔

اے آر وائی ڈیجیٹل کے مارننگ شو گڈ مارننگ پاکستان میں اداکارہ پری ہاشمی نے 10 روز میں 5 کلو گرام وزن کم کرنے کا طریقہ بتایا۔

پری کا کہنا تھا کہ انہوں نے وزن کم کرنے کے لیے سفید اشیا یعنی چینی، چاول، میدے اور نمک کا استعمال بالکل ختم کردیا۔

انہوں نے کہا کہ وہ ناشتے میں ایک مکمل اور ایک بغیر زردی والا انڈا کھاتی ہیں اور اس کے ساتھ گرین ٹی یا بلیک کافی پی لیتی ہیں۔

انہوں نے چائے بھی بالکل چھوڑ دی۔

پری کا کہنا تھا کہ انہوں نے ایک دم کھانا ختم کرنے کے بجائے تھوڑے تھوڑے وقفے سے کھانا شروع کیا۔ اس سے ان کے کھانے کی مقدار بھی کم ہوئی جبکہ بھوک بھی ختم ہوجاتی تھی۔

انہوں نے کہا اس روٹین کو مستقل رکھنے سے 10 روز میں ان کا 5 کلو وزن کم ہوا۔

Comments

یہ بھی پڑھیں