واشنگٹن: حوثیوں کو بھیجے جانے والے ہتھیاروں کے تعاقب میں 2 امریکی فوجی سمندر میں لاپتا ہو گئے۔
الجزیرہ کے مطابق نیوی سیل ڈویژن کے ساتھ دو امریکی فوجی جمعرات کو سمندر میں لاپتا ہو گئے ہیں، یہ امریکی فوجی یمن جانے والے ہتھیاروں کی تلاش میں تھے۔
امریکی اخبار واشنگٹن پوسٹ کی ایک رپورٹ کے مطابق سمندر میں لاپتا ہونے والے امریکی فوجی ایران کی طرف سے یمن میں حوثیوں کے لیے بھیجے گئے ہتھیاروں کی کھیپ کی کھوج میں تھے، لاپتا فوجیوں کی شناخت کے حوالے سے فی الوقت کچھ نہیں بتایا گیا ہے۔
اخبار نے لکھا کہ یہ فوجی خلیج عدن میں سمندر کی ناہموار سطح پر ایک جہاز پر سوار ہونے کی کوشش کر رہے تھے، جب ان میں سے ایک اچانک سیڑھی سے پھسل گیا اور دوسرے نے اسے بچانے کے لیے اس کے پیچھے چھلانگ لگا دی۔
غزہ میں شہادتیں 24 ہزار سے بڑھ گئیں، 8 ہزار فلسطینی لاپتا
تاہم رپورٹ اس بات کی تصدیق نہیں کی گئی ہے کہ آیا دیگر فوجی اُس جہاز پر سوار ہونے میں کامیاب ہو گئے تھے یا یہ کہ انھیں وہاں کوئی ایرانی ساختہ اسلحہ ملا۔
قومی سلامتی کونسل کے ترجمان جان کربی نے اتوار کو کہا تھا کہ یہ کارروائی حوثیوں کے لیے مبینہ ایرانی حمایت کو روکنے کے لیے واشنگٹن کی کوششوں کا ایک حصہ تھی۔ تاہم جان کربی نے دعویٰ کیا کہ اس آپریشن کا یمن کے شہروں پر امریکی و برطانوی فضائی حملوں سے کوئی تعلق نہیں تھا۔
