لاہور: موٹر وے پر سفر کرنے والی ایک اوورسیز پاکستانی خاتون ڈاکٹر لاکھوں مالیت کا آئی پیڈ کھو گیا تھا، جس کی اطلاع ملتے ہی موٹر وے پولیس نے حرکت میں آ کر آئی پیڈ ڈھونڈ نکالا۔
موٹر وے پولیس ایم 2 نے ایمان داری کی مثال قائم کر دی، ترجمان موٹر پولیس نے بتایا کہ اوورسیز خاتون ڈاکٹر ثنا منیر نے موٹر وے ہیلپ لائن پر آئی پیڈ گمشدگی کی اطلاع دی تھی، جس پر پولیس نے ساڑھے 4 لاکھ مالیت کا آئی پیڈ ڈھونڈ کر واپس کر دیا۔
ترجمان کے مطابق خاتون کا آئی پیڈ سیال موڑ سروس ریسٹورنٹ میں رہ گیا تھا، ڈی ایس پی ملک یوسف اور انسپکٹر رمضان نے سروس ایریا سے ٹیب کو تلاش کیا، بعد ازاں، سیکٹر کمانڈر غلام قادر سندھو کی ہدایات پر ٹیب خاتون کے حوالے کر دیا گیاْ
اس کارکردگی پر ڈی آئی جی مسرور عالم کلاچی نے پٹرولنگ افسران کی کارکردگی کو سراہا، اوورسیز خاتون ڈاکٹر نے بھی موٹر وے پولیس کی ایمان داری کی تعریف کی۔
