پاکستانی فلمز اور ڈرامہ انڈسٹری کے معروف اداکار ہمایوں سعید اور ماہرہ خان فلم ’لو گرو‘ میں ساتھ جلوہ گر ہوں گے۔
اے آر وائی فلمز کی پیشکش ’لو گرو‘ میں ہمایوں سعید اور ماہرہ خان مرکزی کردار نبھائیں گے جس کا پوسٹر بھی جاری کردیا گیا ہے۔
فلم کی ہدایت کاری کے فرائض ندیم بیگ نے انجام دیے ہیں جو اس سے قبل پنجاب نہیں جاؤں گی، اور جوانی پھر نہیں آنی بناچکے ہیں۔
لو گرو کو سلمان اقبال فلمز، اے آر وائی فلمز اور سکس سگما پلس کے بینر تلے عید الاضحیٰ پر ریلیز کیا جائے گا۔
View this post on Instagram
فلم کے پوسٹر کو دیکھ کر اندازہ لگایا جاسکتا ہے یہ ایک رومانوی فلم ہوگی جسے ناظرین بھی بے تابی سے دیکھنے کے منتظر ہیں۔
واضح رہے کہ لو گرو میں ہمایوں سعید اور ماہرہ خان ایک دہائی کے بعد ساتھ مرکزی کردار نبھائیں گے اس سے قبل دونوں نے ایک رومینٹک فلم میں اداکاری کی تھی۔
قبل ازیں ہمایوں سعید نے بتایا تھا کہ وہ ماہرہ خان کے ساتھ فلم میں دکھائی دیں گے، ان کا کہنا تھا کہ اداکارہ کی شادی کی وجہ سے فلم کی شوٹنگ تاخیر سے شروع کی جائے گی۔
