عید الاضحیٰ کے روز فلم ’لو گرو‘ کی ریلیز سے قبل لاہور میں فلم کا رنگا رنگ پریمیئر منعقد ہوا جس میں شوبز شخصیات نے بڑی تعداد میں شرکت کی۔
سپر اسٹارز ماہرہ خان اور ہمایوں سعید کے ساتھ ساتھ ’لو گرو‘ کی اسٹار کاسٹ اور میکرز اہلخانہ اور شوبز کی چند بڑی شخصیات نے جمعرات کی رات لاہور میں رنگا رنگ پریمیئر میں شرکت کی۔
اس شاندار تقریب میں تجربہ کار فلمساز سید نور کے ساتھ ساتھ ریشم، فواد خان، اور صائم علی جیسے لالی وڈ اسٹارز اور مشہور ٹی وی اسٹارز ثمینہ پیرزادہ، نادیہ جمیل، سہیل احمد، اور عاصمہ عباس نے شرکت کی۔
عروہ حسین اور فرحان سعید، مقبول اداکارہ زارا نور عباس اور پاکستان کے مشہور اداکار حسن شہریار یاسین (ایچ ایس وائی) کو بھی پریمیئر کے ریڈ کارپٹ پر دیکھا گیا۔
عید الاضحیٰ پر ریلیز ہونے والی فلم کی اسکرپٹ نامور اداکار، ہدایت کار اور اسکرین رائٹر واسع چوہدری نے دی ہے، جب کہ سینما کے ماہر ندیم بیگ نے ہدایت کاری کی ہے۔
’لو گرو‘ 6 جون کو دنیا بھر کے سینما گھروں میں دھوم مچائے گی۔
