بھارتی ریاست اترپردیش میں چار روز سے لاپتا لڑکے کی موت کا معمہ ایک خاتون کی جانب سے لکھے گئے خط نے حل کر دیا۔
ہوا کچھ یوں کہ 46 سالہ لڑکا 25 جون کو گھر سے نکلنے کے بعد لاپتا ہوگیا تھا اور ہر جگہ ڈھونڈنے پر جب کہیں بھی اس کا سراغ نہ ملا تو اہل خانہ نے تھانے میں گمشدگی کی رپورٹ درج کروائی۔
پولیس تحقیقات میں معلوم ہوا کہ مقتول کے ایک شادی شدہ خاتون کے ساتھ قریبی تعلقات تھے، وہ 25 اور 26 جون کی درمیانی شب خاتون سے اس کے گھر ملنے گیا تھا۔
مذکورہ خاتون نے پولیس حراست میں بتایا کہ وہ مجھے بھگانے کے لیے آیا تھا، جب میں نے انکار کیا تو اس نے زہر پی لیا، میں نے اپنے بھائیوں کو بلایا اور جب اسے اسپتال لے جانے لگے تو وہ راستے میں مر گیا۔
خاتون نے بتایا کہ ہمیں سمجھ نہیں آ رہی تھی کہ لاش کا کیا کریں اس لیے ہم نے اسے نہر میں پھینک دیا اور اہل خانہ کو خط لکھ کر نشاندہی کی کہ وہ مر گیا ہے اور اس کی لاش یہاں پڑی ہے۔
پولیس نے خاتون اور بھائیوں کے خلاف مقدمہ درج کر کے مزید تحقیقات شروع کر دی ہے۔
