بھارت کی جانب سے دریائے راوی میں پانی چھوڑنے کے بعد قصور، اوکاڑہ، پاکپتن اور وہاڑی میں نچلے درجے کے سیلاب کا خدشہ بڑھ گیا ہے۔
ترجمان پی ڈی ایم اے پنجاب تصور چوہدری نے کہا کہ بھارت نے پہلے دریائے راوی میں پانی جسر کے مقام پر چھوڑا تھا، دریائے راوی میں 61 ہزار کیوسک کا ریلا پاکستان میں داخل ہوا ہے۔
ترجمان پی ڈی ایم نے بتایا کہ دریائے چناب میں ڈھائی لاکھ کیوسک کے قریب پانی چھوڑا گیا، ہیڈمرالہ کے مقام پر درمیانے درجے کا سیلاب تھا۔
ترجمان پی ڈی ایم اے پنجاب نے مزید بتایا کہ بھارت کی جانب سے دریائے ستلج میں بھی پانی چھوڑ دیا گیا، جس سے قصور، اوکاڑہ، پاکپتن، وہاڑی میں نچلے درجے کے سیلاب کا خدشہ ہے۔
ترجمان پی ڈی ایم اے پنجاب تصور چوہدری کا کہنا ہے کہ دریا کنارے آبادیوں کے لئے ریلیف کیمپ قائم کئے گئے ہیں۔
