آج دنیا کے تقریباً ہر بڑا کرکٹنگ ملک اپنی اپنی لیگ کرا رہا ہے ایسی ہی ایک مشہور لیگ کی ایک فرنچائز کا مالک میچ فکسنگ الزام میں گرفتار کر لیا گیا ہے۔
کرکٹ کے عالمی چیمپئن ملک سری لنکا کی نجی کرکٹ لیگ لنکا پریمیئر لیگ کا شمار دنیا کی مشہور کرکٹ لیگ میں ہوتا ہے جس میں مختلف ممالک کے نامور کرکٹرز شرکت کرتے ہیں۔
لنکا پریمیئر لیگ کے حوالے سے بڑا اسکینڈل سامنے آیا ہے اور اس لیگ کی ایک ٹیم دمبولا تھنڈر کے مالک کو میچ فکسنگ کے الزام میں گرفتار کر لیا گیا ہے۔
ای ایس پی ایک کرک انفو کی رپورٹ کے مطابق پولیس دمبولا تھنڈر ٹیم کا مالک تمیم الرحمان جو برطانوی اور بنگلہ دیشی شہری ہے، اس کی گرفتاری کے فوری بعد لنکا پریمیئر لیگ نے دمبولا ٹیم کی اونر شپ کا معاہدہ بھی منسوخ کر دیا ہے۔
اس حوالے سے لنکا پریمیئر لیگ انتظامیہ کا کہنا ہے کہ لیگ کی ساکھ کو بچانے کے لیے معاہدہ ختم کرنا ضروری تھا، اگر نئی اونر شپ نہیں ہوئی تو دمبولا ٹیم کے معاملات لیگ انتظامیہ چلائے گی۔
