جن لوگوں کی زندگی باقی ہو وہ ایسے ایسے موقعوں پر موت سے بچ جاتے ہیں کہ دیکھ کر حیرت ہوتی ہے، سوشل میڈیا پر وائرل ہونے والی ایک اور ویڈیو نے اس کا ثبوت دے دیا۔
ویڈیو ایک دکان پر لگے کیمرے کی ہے جہاں سے سڑک کا منظر دکھائی دے رہا ہے، سڑک پر معمول کی چہل پہل ہے، سامنے سے ایک شخص دکان کی طرف آتا دکھائی دیتا ہے۔
وہ سڑک پار کر کے فٹ پاتھ پر آتا ہے، اس کے قدم رکھتے ہی فٹ پاتھ کی سیمنٹ ذرا سی لرزتی ہوئی دکھائی دیتی ہے، مذکورہ شخص جیسے ہی دو قدم پار کر کے ٹائلوں سے بنے فرش پر پہنچتا ہے اس کے پیچھے سیمنٹ کا فرش دھڑام سے نیچے جا گرتا ہے۔
یہ دراصل ڈرینج کے اوپر بنی سطح تھی جو کسی وجہ سے کمزور ہوئی اور گر گئی، مذکورہ شخص کی خوش قسمتی تھی کہ وہ لمحوں کے فرق سے اسے پار کر گیا ورنہ وہ نالے میں گرجاتا اور شدید جسمانی نقصان اٹھاتا۔
I’m going to spend the weekend trying to figure out what message the Universe was sending this man. What would you be thinking if you were him? pic.twitter.com/U55PDCZPry
— anand mahindra (@anandmahindra) August 5, 2022
نالے کی چھت گرنے کے بعد وہ شخص کچھ لمحوں کے لیے اپنی جگہ پر جم کر رہ جاتا ہے، شاید اسے یقین نہیں آتا کہ کس طرح وہ بال بال بچا ہے۔
بعد ازاں دکان کے اندر سے بھی کچھ افراد باہر نکل آتے ہیں اور اس شخص کی خیریت دریافت کرتے ہیں۔
سوشل میڈیا پر اس ویڈیو کو اب تک لاکھوں افراد دیکھ چکے ہیں۔
