ممبئی : بالی ووڈ کے دبنگ خان کی گرل فرینڈ نےاپنی شادی سے متعلق افواہوں کی تردید کردی ان کا کہنا ہے ان کی شادی نہیں ہوئی ہے.
تفصیلات کے مطابق بالی ووڈ کے سُپر اسٹار سلمان خان کی گرل فرینڈ لولیا وینچر نے سوشل میڈیا پر جاری کی گئی تصویر پر کہا ہے کہ ان کی شادی نہیں ہوئی ہے.
انٹرنیٹ پر شیئر کی گئی تصویر میں لولیا وینچر شادی کے جوڑے میں ملبوس ہیں اور ان کے ساتھ رومانوی پروڈیوسر کو تصویر میں دیکھا جاسکتا ہے.
لولیا وینچر نے انٹرنیٹ پر شئیر کی گئی تصویر پر کہا ہے کہ دوستوں میرااس طرح کی افواہوں پر بیان دینے کا کوئی ارادہ نہیں تھا، لیکن مجھے ایسا لگا کہ ان افواہوں پر وضاحت کرنی چاہیے کہ میری شادی نہیں ہوئی ہے اور مجھے شادی کی جلدی نہیں ہے.
بالی ووڈ کے دبنگ خان حال میں ہی اپنی دوست پریٹی زنٹا کی شادی کی تقریب میں اپنی گرل فرینڈ لولیا کے ساتھ پہلی بار ایک ساتھ نظر آئے تھے.
بالی ووڈ دبنگ خان کی شادی کے متعلق افواہیں میڈیا میں گردش کررہی ہیں کہ نامور اداکار سلمان خان اپنی رومانوی گرل فرینڈ لولیا سے 27 دسمبر 2016 کو اپنی سالگرہ کے دن شادی کریں گے.
واضح رہے کہ گذشتہ دنوں معروف بھارتی اخبار کی جانب سے بتایا گیا تھا کہ سلمان خان نے شادی کرنے کا فیصلہ کیا ہے اور یہ فیصلہ دبنگ خان نے اپنی والدہ کی خوائش کا احترام کرتے ہوئے کیا ہے.
