لیگزمبرگ: دنیا کا پہلا ملک لیگز مبرگ ہے جہاں تمام پبلک ٹرانسپورٹ مفت ہوگی، یہ اقدام حکومت کی پیش کردہ تجویز کے ضمن میں کیا جارہا ہے۔
غیرملکی خبررساں ادارے کے مطابق 2020 تک گرمی کے سیزن میں عوام ٹرین، ٹرامز اور بسوں میں بغیر ٹکٹ کے سفر کرسکیں گے، مفت سفر کی خدمات فراہم کرنا حکومت کے پاس آخری راستہ ہے جس کے ذریعے وہ عوام کو پبلک ٹرانسپورٹ استعمال کرنے پر مجبور کرسکتی ہے۔
[bs-quote quote=” لیگزمبرگ کو یورپی یونین کا دوسرا امیر ترین ملک شمار کیا جاتا ہے” style=”style-6″ align=”left”][/bs-quote]
لیگزمبرگ میں 20 برس سے کم عمر افراد کے لیے پبلک ٹرانسپورٹ پہلے ہی مفت ہے بقیہ مسافر بھی دو گھنٹے کے سفر کے واسطے اس وقت صرف دو یورو کی ادائیگی کرتے ہیں۔
سیکنڈری اسکولز کے طلباء اسکول اور چھٹی پر واپسی کے لیے گورنمنٹ شٹل سروس سے استفادہ کررہے ہیں۔
ملک بھر میں بے گھر افراد کی بڑھتی ہوئی تعداد کو دیکھتے ہوئے اب بے گھر افراد اضافی کرایہ ادا کرکے سردیوں میں ٹرین میں ہی قیام کرسکیں گے۔
دارالحکومت لیگزمبرگ کی آبادی صرف 1.1 لاکھ نفوس پر مشتمل ہے تاہم اس کے باوجود یہ ٹریفک جام کی بدترین صورت حال سے دوچار ہے، روزانہ تقریباً چار لاکھ افراد کام پر جانے کے لیے یہاں سے گزرتے ہیں۔
لیگزمبرگ کے وزیراعظم نے چند روز قبل دوسری مدت کے لیے وزیراعٓظم کا منصب سنبھالا ہے، اکتوبر میں ہونے والے انتخابات کے دوران ماحولیاتی تحفظ ژاویر بیڈل کی مہم کا اہم حصہ تھا۔
واضح رہے لیگزمبرگ کو یورپی یونین کا دوسرا امیر ترین ملک شمار کیا جاتا ہے۔
