The news is by your side.

Advertisement

لیاری : مسجد کے قریب پراسرار دھماکے سے ایک شخص زخمی

کراچی : لیاری میں چاکیواڑہ جونا مسجد کے قریب پراسرار دھماکے کی اطلاع موصول ہوئی ہے، جس کے نتیجے میں ایک شخص زخمی ہوگیا۔

تفصیلات کے مطابق لیاری کے علاقے چاکیواڑہ میں جونا مسجد کے قریب پراسرار دھماکے کا واقعہ پیش آیا ہے، دھماکا رہائشی عمارت کے گراؤنڈ فلور پر بنے کمرے میں ہوا۔

ابتدائی اطلاعات کے مطابق دھماکے کے باعث عمارت کا چوکیدار زخمی ہوگیا جسے طبی امداد کیلئے قریبی اسپتال منتقل کردیا گیا ہے۔

حادثے کی اطلاع ملتے ہی پولیس حکام جائے وقوعہ پر پہنچ گئے، اور جگہ کا معائنہ کیا، ایس ایس پی سٹی کا کہنا ہے کہ جس کمرے میں دھماکا ہوا ہے وہاں پانی کی موٹر بھی نصب ہے۔

انہوں نے کہا کہ دھماکے کی وجوہات جاننے کیلئے بم ڈسپوزل اسکواڈ کی ٹیم کو بھی طلب کرلیا گیا ہے، تحقیقات کے بعد مزید تفصیلات سامنے آئیں گی۔

Comments

یہ بھی پڑھیں