The news is by your side.

Advertisement

بیلجیئم میں پولیس پر حملہ دہشت گردی کا واقعہ ہے،وزیراعظم چارلس مائیکل

برسلز: بیلجیئم کے وزیراعظم چارلس مائیکل نےشارلروآ شہر میں مسلح شخص کے پولیس پر حملے کو دہشت گردی کا واقعہ قرار دیا ہے.

تفصیلات کےمطابق بیلجیئم کے شہر شارلروآ میں حکام کے مطابق خنجر سے مسلح حملہ آور نے دو پولیس اہلکاروں کو زخمی کر دیا،حکام کا کہنا ہے کہ پولیس اہلکاروں کی حالت خطرہ سے باہر ہے.

پولیس حکام کے مطابق حملہ آور نے شارلروآ کے مرکزی پولیس اسٹیشن کے باہر پولیس اہلکاروں پر خنجر سے حملہ کرتے وقت ’اللہ اکبر‘ کا نعرہ لگایا،پولیس نے واقعے کے بعد علاقے کو گھیرے میں لے لیا.

اطلاعات کے مطابق زخمی ہونے والے دو اہلکاروں میں سے ایک خاتون ہے اور انہیں اپنے ساتھی اہلکار سے زیادہ زخم آئے ہیں.

پولیس کی جوابی فائرنگ میں زخمی ہونے والے مسلح حملہ آور اسپتال میں دم توڑ گیا.

یاد رہے کہ گذشتہ ماہ جولائی کی 30 تاریخ کو بیلجیئم میں انسداد دہشت گردی کے ایک آپریشن میں دو بھائیوں کو ملک میں حملوں کی منصوبہ بندی کرنے پرگرفتار کیا گیا تھا.

واضح رہے کہ بیلجیئم میں مارچ کے ماہ میں ایئرپورٹ اور میٹرو سٹیشن پر ہونے والے حملے میں کم از کم 32 افراد ہلاک ہوئے تھے،حملوں کی ذمہ داری داعش نے قبول کی تھی.

Print Friendly, PDF & Email

Comments

comments

یہ بھی پڑھیں