انتاناناریوو: افریقی ملک مڈغاسکر کے نیشنل اسٹیدیم میں بھگدڑ مچنے کے نتیجے میں 12 افراد ہلاک اور 80 زخمی ہو گئے۔
غیر ملکی میڈیا رپورٹس کے مطابق مڈغاسکر کے دارالحکومت انتاناناریوو کے باریا نیشنل اسٹیدیم میں انڈین اوشین آئی لینڈ گیمز کی افتتاحی تقریب کے دوران افسوس ناک حادثۃ پیش آیا، جس میں بچوں سمیت بارہ افراد ہلاک اور اسّی زخمی ہو گئے۔
بھگدڑ اس وقت مچی جب شائقین کی بڑی تعداد اسٹیدیم میں داخلے کی کوشش کر رہی تھی، یہ واقعہ گزشتہ روز جمعہ کو پیش آیا، حادثے کے وقت 50 ہزار تماشائیوں کا ہجوم اسٹیڈیم پہنچا تھا۔
مڈغاسکر کے صدر اینڈری راجویلینا بھی افتتاحی تقریب میں موجود تھے، انھوں نے حادثے کے دکھ میں ایک منٹ کی خاموشی اختیار کی، مڈغاسکر کے وزیر اعظم کرسچن نٹسے نے حادثے پر افسوس کا اظہار کیا اور اسپتال میں حادثے کے زخمیوں کی عیادت کی۔
#Breaking | At least 12 people die in a stampede at a stadium in Antananarivo, capital of Madagascar – Prime Minister Christian Ntsay
Follow @aliifil1 for More UPDATES pic.twitter.com/AZDRDvRHI4
— Breaking news 24/7 (@aliifil1) August 25, 2023
انڈین اوشین آئی لینڈ گیمز 3 ستمبر تک جاری رہیں گے، بین الاقوامی اولمپک کمیٹی (IOC) نے ان کا آغاز 1977 میں کیا تھا، ان میں ماریشس، سیشلز، کوموروس، مڈغاسکر، میوٹے، ری یونین اور مالدیپ کے کھلاڑی شامل ہیں۔
