لزبن: پرتگال کے جزیرے میڈیرا میں موسم بہار کے سالانہ میلے کا آغاز ہوگیا۔ سڑکیں خوشنما پھولوں سے بھر گئی۔
فیسٹا دا فلور نامی اس میلے کی تھیم رواں برس اسٹائل اینڈ ڈیزائن رکھی گئی ہے جس کے تحت لاکھوں پھول دلکش باغوں کی زینت بنائے گئے ہیں۔
- Advertisement -
ہزاروں بچے، بوڑھے اور جوان رنگا رنگ لباس پہنے سڑکوں پر نکل آئے۔
لوگوں نے پھولوں سے بنے دیوہیکل فلوٹس کے ساتھ سڑکوں پر پریڈ بھی کی۔
یہ میلہ گزشتہ 20 سال سے اس جزیرے پر منایا جارہا ہے جس میں پورے پرتگال اور دنیا بھر سے افراد شرکت کرتے ہیں۔
یہ میلہ اس جزیرے کی معیشت میں اہم کردار ادا کرتا ہے اور ہزاروں لوگ سارا سال اس میلے کے توسط سے روزگار حاصل کرتے ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
