The news is by your side.

Advertisement

دوران ڈیوٹی گبر سنگھ بننے والا پولیس افسر مشکل میں پھنس گیا

نئی دہلی : بھارتی پولیس افسر کو فلم ‘شعلے’ میں گبر سنگھ کا کردار نبھانے والے امجد خان کا مشہور ڈائیلاگ بولنے پر شوکاز نوٹس مل گیا۔

انٹرنیٹ کے دور میں کوئی عمل انجام دینا بعض دفعہ آسانی کا باعث بنتا ہے اور لوگوں کی جانب سے حوصلہ افزائی کی جاتی ہے تو کبھی انٹرنیٹ مشکلات پریشانیوں میں مبتلا کردیا ہے۔

ایسا ہی کچھ بھارتی پولیس افسر کے ساتھ ہوا جس نے بالی ووڈ کی مشہور زمانہ فلم ‘شعلے’ میں ولن کا کردار ادا کرنے والے امجد خان کا معروف ڈائیلاگ ‘سوجا بیٹے ورنہ گبر آجائے گا’ جیسا جملہ دوران ڈیوٹی ادا کرنا مہنگا پڑگیا۔

سوشل میڈیا پر وائرل ویڈیو میں دیکھا جاسکتا ہے کہ بھوپال کے ضلع جابوا کے کلیان پورہ پولیس اسٹیشن کے انچارج دوران ڈیوٹی گاڑی پر نصب مائیک کے ذریعے کہہ رہے ہیں کہ ‘کلیان پور سے 50 کلومیٹر کی دوری پر جب بھی کوئی بچہ روتا ہے تو ماں کہتی ہے کہ چپ ہو جا بیٹا نہیں تو ڈانگی آجائے گا’۔

پولیس افسر کے ایل ڈانگی کی ویڈیو انٹرنیٹ پر وائرل ہوئی تو پولیس کے اعلیٰ حکام نے کے ایل ڈانگی کو شدید تنقید کا نشانہ بناتے ہوئے شوکاز نوٹس جاری کردیا۔

Comments

یہ بھی پڑھیں