پاکستان کی معروف اداکارہ مدیحہ امام کو اپنی بولڈ تصاویر سوشل میڈیا پر شیئر کرنا مہنگا پڑ گیا۔
اس میں کوئی شک نہیں کہ ایشیاء سے لے کر امریکا تک ہر خطے میں مشہور شخصیات کے ملبوسات، فیشن اور کردار موضوع بحث ہوتے ہیں۔
اسی طرح پاکستان کی معروف اداکارہ مدیحہ امام نے فوٹو اینڈ شیئرنگ ایپ انسٹاگرام پر نیپال میں سیر کرنے کی تصاویر شیئر کی ہیں جسے دیکھ بعض سوشل میڈیا صارفین نے بدتمیزی شروع کردی۔
View this post on Instagram
مدیحہ امام کو ان تصاویر میں سفید رنگ کا مغربی لباس پہنے خوشگوار موسم سے لطف اٹھاتے ہوئے دیکھا جاسکتا ہے لیکن بعض مداحوں کو ان کا یہ لباس ایک آنکھ نہ بھایا اور انہوں نے تنقید کے نشتر چلا دیے۔
سوشل میڈیا صارفین کا کہنا تھا کہ پاکستانی اداکارائیں بیرون ملک جاتے ہی بولڈ لباس کیوں پہننا پسند کرتی ہیں انہیں ایسا لباس پہننا زیب نہیں دیتا۔
مگر کچھ صارفین نے ان بدتمیز لوگوں کو جواب بھی دیا اور کہا کہ وہ اس طرح کے تبصرے کرنے کے بجائے یہ تصاویر نہ دیکھیں۔
یاد رہے کہ مدیحہ امام نے مئی 2023 کے پہلے ہفتے میں انسٹاگرام پوسٹ میں شادی کی تصدیق کرتے ہوئے بتایا تھا کہ وہ یکم مئی کو رشتہ ازدواج میں بندھ گئی ہیں۔
ان کی شادی متحدہ عرب امارات (یو اے ای) میں ہوئی تھی، شادی کے بعد شوبز ویب سائٹس اور سوشل میڈیا صارفین نے دعویٰ کیا تھا کہ ان کے شوہر موجی بصر بھارتی فلم ساز ہیں۔
شوہر کے بھارتی فلم ساز ہونے کے دعووں پر بعد ازاں مدیحہ امام نے نجی ٹی وی چینل سے بات کرتے ہوئے واضح کیا تھا کہ ان کے شوہر نہ تو بھارتی فلم پروڈیوسر ہیں اور نہ ہی ہدایت کار ہیں۔
انہوں نے حیرانگی کا اظہار کیا تھا کہ نہ جانے کیوں لوگ ان کے شوہر سے متعلق غلط معلومات پھیلا رہے ہیں۔
