پاکستان کی معروف اداکارہ مدیحہ امام نے اپنی محبت کی کہانی سنادی۔
حال ہی میں اداکارہ مدیحہ امام نے ایک ڈیجیٹل میگزین کو انٹرویو دیا، جہاں اداکارہ نے اپنے شوہر سے پہلی ملاقات اور اپنی شادی کے بارے میں بتایا۔
مدیحہ امام کا کہنا تھا کہ ’شوہر موجی بسر سے پہلی ملاقات اس وقت ہوئی جب میں 2015-16 میں بالی ووڈ فلم کرنے گئی تھی، اور وہاں میرے اب کے شوہر پروڈکشن ٹیم میں انٹرن تھے‘۔
اداکارہ نے بتایا کہ ’ وہ مجھے بہت پیارے اور محنتی لگے، اور مجھے وہ لوگ اچھے لگتے ہیں جو سخت محنت کرتے ہیں، میں نے اپنی والدہ کو موجی کے بارے میں بتایا کہ میں اسے بہت پسند کرتی ہوں‘۔
مدیحہ امام نے بتایا کہ جب اگلے دن میں سیٹ پر گئی اور میں نے پوچھا کہ موجی کہاں ہے تو مجھے سیٹ پر موجود لڑکی نے بتایا کہ وہ اپنی گرل فرینڈ کے ساتھ ہے، بس پھر میں نے سوچا کہ سب ختم ہوگیا۔
انہوں نے کہا کہ ’لیکن ہم پھر بھی اچھے دوست تھے، پھر تقریباً 2 سال کے بعد انہوں نے مجھ سے رابطہ کیا، انہیں ایک پوڈ کاسٹ میں میری مدد کی ضرورت تھی، تو میں نے بھی ایک مددگار دوست ہونے کے ناطے انہیں تمام تفصیلات بھیجیں۔
اداکارہ نے بتایا کہ موجی بسے سے وہ چار سال بڑی ہیں، اور 9 ماہ ساتھ رہنے کے بعد ان کے شوہر نے پہلی بار پرپوز کیا، پھر ہمارے والدین نے دبئی میں ملاقات کی اور ہمارے اپنوں کی دستیابی کے مطابق ہم نے اپنی شادی کی تاریخ رکھ لی۔
View this post on Instagram
واضح رہے کہ مدیحہ امام نے سال 2023 میں دبئی میں شادی کرکے سب کو حیران کر دیا تھا، اداکارہ کے شوہر کا تعلق بھارت سے ہے اور وہ بھی شوبز انڈسٹری کا ہی حصہ ہیں۔
موجی بسر بھارتی فلم میکر اور پروڈیوسر ہیں جنہوں نے گریجویشن کے بعد 2017 میں اپنے بالی ووڈ کیریئر کی مقبول فلموں ’دی سک‘ اور ’لُکا چُھپی ‘ میں بطور اسسٹنٹ پروڈیوسر کام کیا۔
View this post on Instagram
یاد رہے کہ مدیحہ امام نے 2017 میں بالی ووڈ کی فلم ’ڈیئر مایا‘ میں اداکاری کے جوہر دکھائے تھے اس فلم میں ان کے ساتھ منیشا کویرالا نے ماں کا کردار ادا کیا تھا۔
