فٹبال کے میچ میں گول کیپر نے دوران میچ جادوئی کرتب دکھا کر سب کو حیران اور پریشان کر دیا ساتھ ہی حریف کھلاڑی کا گول بھی بچا لیا۔
ابھی ایشیز سیریز کے اوول ٹیسٹ میں انگلش فاسٹ بولر اسٹورٹ براڈ کے جادوئی کرتب کی شہرت کم نہیں ہوئی تھی کہ میکسیکو کی ٹیم کے گول کیپر گزمین نے دوران میچ جادوئی کرتب دکھا کر سب کو حیران اور پریشان کر دیا ساتھ ہی حریف کھلاڑی کا گول بھی بچا لیا۔
جنوبی امریکا میں کھیلے جا رہے مقامی لیگس کپ میں میکسیکو کی ٹیم ٹائیگریس نے وینکوور کے خلاف میچ میں میکسیکن گول کیپیر نے دوران میچ جادوگروں کی طرح غیر معمولی عجیب وغریب حرکت کی جس کو دیکھ کر نہ صرف اسٹیڈیم میں موجود شائقین حیرت زدہ رہ گئے بلکہ حریف ٹیم کے کھلاڑی بھی ششدر رہ گئے اور حریف ٹیم کے کھلاڑیوں کی دھیان بھٹکا کر اپنی ٹیم کے خلاف یقینی گول بچا لیا۔
میچ ایک ایک سے برابر ہونے پر جب معاملہ پینلٹی شوٹس پر گیا تو گزمین نے اپنی ٹیم کو فتح یاب کرنے کے لیے جادوئی چکر چلایا جس کی ویڈیو سوشل میڈیا پر وائرل ہوگئی۔
ویڈیو میں دیکھا جا سکتا ہے کہ وینکوور کے کھلاڑی نے جیسے ہی پنالٹی لینے کے لیے قدم بڑھایا گول پوسٹ کے باہر موجود میکسیکن گول کیپر گزمین نے اچانک جادوئی کرتب دکھاتے ہوئے منہ سے لمبی ڈوری نکالنا شروع کر دی جس کو دیکھ کر شائقین مبہوت اور مخالف کھلاڑی بھی ہکا بکا رہ گئے اور گول کیپر کا شاید مقصد بھی یہی تھا۔
یہ تماشا دیکھ کر حریف کھلاڑی کا دھیان بھٹکا اور وہ گول نہ کر سکا یوں ایک ایک سے برابری والا میچ پنالٹی شوٹس کے اختتام پر پانچ تین سے ٹائیگریس کے نام رہا۔
گول کیپر نے میچ میں بریک ڈانس بھی کیا۔
