ترکی میں پیر کے رات زلزلے کے شدید جھٹکے محسوس کیے گئے ہیں۔ زلزلے کی شدت 6.4 بتائی جارہی ہے۔
ڈیزاسٹر اینڈ ایمرجنسی منیجمنٹ اتھارٹی (AFAD) کے مطابق شام کی سرحد کے قریب ترکی کے صوبہ ہاتائے کو دو بڑے زلزلوں نے ہلا کر رکھ دیا ہے۔
اے ایف اے ڈی کے مطابق پہلے زلزلے کا مرکز، جس کی شدت 6.4 تھی، ضلع ڈیفنے تھا جب کہ 5.8 شدت کے ایک اور زلزلے کا مرکز ترکی کے ہاتائے کا ضلع سمنداگ تھا۔
VIDEO — People panic as magnitude 5.8 earthquake centered in Hatay's Defne district shakes the area, 2 weeks after 2 major quakes in southeast Türkiyehttps://t.co/naKoD1td9Z pic.twitter.com/nSk06nLRtD
— DAILY SABAH (@DailySabah) February 20, 2023
زلزلے کے جھٹکے دس دیگر صوبوں میں بھی محسوس کیے گئے جو دو بڑے زلزلوں سے خاصے متاثر تھے۔ زلزلے کے دوران بنائی گئی ویڈیو میں دیکھا جا سکتا ہے کہ لوگوں میں خوف و ہراس ہے اور کھلے آسمان تلے آرہے ہیں۔
اس کے علاوہ شام، مصر، لبنان، عراق، فلسطین اور اردن میں بھی زلزلے کے جھٹکے محسوس کیے گئے۔