معروف اداکارہ ماہرہ خان نے ہانیہ عامر کی گلوکاری کی تعریف کردی اور ان کی آواز کو خوبصورت قرار دے دیا۔
تفصیلات کے مطابق ہانیہ عامر نے گزشتہ کچھ عرصے سے اپنی گلوکاری کی ویڈیوز شیئر کرنی شروع کی ہیں جنہیں ان کے مداحوں کی جانب سے بے حد پسند کیا جا رہا ہے۔
اپنی نئی ویڈیو میں بھی وہ گانا گاتی ہوئی دکھائی دے رہی ہیں، سماجی رابطے کی ویب سائٹ انسٹاگرام پر شیئر کی گئی ویڈیو میں ہانیہ کے ساتھ مومن ثاقب اور معروف پروڈیوسر وجاہت روؤف کے بیٹے کو دیکھا جا سکتا ہے۔
ویڈیو میں ہانیہ بلال سعید اور مومنہ مستحسن کا مقبول ترین گانا باری گنگناتی نظر آرہی ہیں۔
ہانیہ کا گانا جہاں ایک طرف تو ان کے مداحوں کو بے حد پسند آیا تو وہیں ماہرہ خان بھی ان کی مداح ہوگئیں۔ ماہرہ نے ہانیہ کی پوسٹ پر کمنٹ کرتے ہوئے لکھا کہ تمہاری آواز بہت خوبصورت ہے۔
ماہرہ کی تعریف پر ہانیہ خوش ہوگئیں اور ہارٹ ایموجی کے ساتھ ان کا شکریہ ادا کیا۔
اس سے قبل ہانیہ نے اپنی آواز میں انگریزی گانا گا کر مداحوں کو حیران کر دیا تھا، مداحوں نے انہیں مشہور گلوکار جسٹن بیبر کا فی میل ورژن قرار دیا تھا۔
