پاکستان شوبز انڈسٹری کے معروف اداکارہ ماہرہ خان نے اپنے بیٹے کے ہمراہ یادگار تصویر شیئر کر دی۔
فوٹو اینڈ ویڈیو شیئرنگ پلیٹ فارم انسٹاگرام پر اداکارہ ماہرہ خان نے اسپتال کے کمرے کی ایک تصویر شیئر کی ہے، جس میں انہیں اپنے اکلوتے بیٹے اذلان کے ہمراہ دیکھا جاسکتا ہے۔
View this post on Instagram
ماہرہ خان نے یہ تصویر اذلان کی سالگرہ کے موقع پر شیئر کی ہے جس کے کیپشن میں لکھا کہ ’ 24 برس کی عمر میں اپنی پوری دنیا کو دیکھتے ہوئے، جس کی نظریں مجھ پر ٹکی ہیں، صرف میرا ایک اذلان۔
ماہرہ خان نے اپنے بیٹے سمیت تمام بچوں کے حق میں دعا کرتے ہوئے لکھا کہ اللّٰہ میرے اذلان اور تمام بچوں کو سلامت رکھے، انہیں خوش و خرم، صحت مند اور لمبی زندگی عطا فرمائے۔
’’ ہمارے بچے ہمیشہ صحیح راستے کا انتخاب کریں، وہ ہمیشہ شر سے محفوظ رہیں، آمین آمین، جیسا کہ میری امی کہتی ہیں، ساری ماؤں کے دل ٹھنڈے رکھ یا رب، آمین انشاء اللّٰہ۔
واضح رہے کہ ماہرہ خان اور ان کے سابق شوہر علی عسکری نے 2007 میں شادی کی تھی، ان کے بیٹے اذلان خان کی پیدائش 2009 میں ہوئی تھی۔
