site
stats
انٹرٹینمںٹ

پرکشش ایشائی خواتین کی فہرست میں پاکستانی اداکارہ بھی شامل

کراچی: جاندار اداکاری سے مختصر عرصے میں صلاحیتوں کا لوہا منوانے والی پاکستانی اداکارہ برصغیر (ایشیا) کی پرکشش خواتین کی فہرست میں بھی شامل ہوگئیں ۔

برطانوی جریدے ’ایسٹرن آئی‘ کی جانب سے ایشیاء کی پرکشش خواتین کی فہرست جاری کی گئی جس میں پاکستانی ڈراموں میں اپنی اداکاری کی صلاحیتوں کا لوہا منوا کر بالی ووڈ میں جگہ بنانے والی اداکارہ بھی شامل ہیں۔

mahira

برطانوی جریدے نے ایشیا کی پرکشش خواتین کے چناؤ کے لیے ایک سروے کروایا جس میں عوام کی بڑی تعداد نے ووٹ ڈال کر اپنی رائے کا اظہار کیا، سروے کی رپورٹ کے مطابق پاکستانی اداکارہ ماہرہ خان 9ویں نمبر پر جگہ بنانے میں کامیاب رہیں۔

mahira-post-7

جریدے کی جانب سے جاری کردہ نتائج کے مطابق بھارتی اداکارہ دپیکا پڈوکون پہلے پریانکا چوپڑا دوسرے نیہا شرما تیسرے دھرشتی شرما چوتھے اداکارہ عالیہ بھٹ پانچویں سنایا ایرانی چھٹے کترینہ کیف ساتویں سونم کپور آٹھویں جبکہ ماہرہ خان نویں نمبر پر  جگہ حاصل کرنے میں کامیاب ہوئیں۔


پڑھیں: ’’ ماہرہ خان بدستور فلم ’رئیس‘ کا حصہ ‘‘


خیال رہے پاکستانی اداکارہ ماہرہ خان نے مختلف پاکستانی ڈراموں میں شاندار کارکردگی حاصل کر کے خوب داد کمائی جس کے بعد بالی ووڈ فلم کے ہدایت کاروں نے ان سے رابطہ کر کے فلم میں کام کرنے کی  پیش کش کی۔


مزیر پڑھیں: ’’ بطور پاکستانی ہر دہشت گردی کی مذمت کرتی ہوں، اداکارہ ماہرہ خان ‘‘


ماہرہ خان نے بھارتی فلموں میں کام کرنے کی حامی بھری تو قسمت اُن پر مہربان ہوئی جس کے بعد وہ کنگ خان کے ساتھ فلم ’’رئیس‘‘ میں جگہ بنانے میں کامیاب ہوئیں۔ واضح رہے گزشتہ سال بھی ماہرہ خان ایشیاء کی پرکشش خواتین کی فہرست میں 10 واں نمبر حاصل کیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top