عالمی شہرت یافتہ پاکستانی اداکارہ ماہرہ خان نے بالی ووڈ فلم ’کچھ کچھ ہوتا ہے‘ کی انجلی کا روپ دھار لیا۔
فوٹو اور ویڈیو شیئرنگ ایپ انسٹاگرام پر اداکارہ ماہرہ خان نے تصویر شیئر کی جس میں انہیں سفید شرٹ اور بلیو جینز پہنے الٹا کیپ لگائے دیکھا جاسکتا ہے۔
انہوں نے پوسٹ شیئر کرتے ہوئے فلم کا مشہور ڈائیلاگ ’راہول از اے چیٹر‘ لکھا۔
ماہرہ خان نے کیپشن میں مداحوں سے پوچھا کہ مجھے بتائیں کون یہ گانا سنتے ہوئے ساتھ میں گنگنا بھی رہا ہے اور بالکل اسی انداز میں کیپ بھی پہننا چاہتا ہے۔
اداکارہ کی پوسٹ کے بیک گراؤنڈ میں فلم ’کچھ کچھ ہوتا ہے‘ کا مشہور گانا ’یہ لڑکا ہے دیوانہ‘ بھی واضح طور پر سنا جاسکتا ہے۔
View this post on Instagram
انہوں نے گزشتہ دنوں یہ پوسٹ شیئر کی جسے لاکھوں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
واضح رہے کہ 1998 میں ریلیز ہونے والی فلم ’کچھ کچھ ہوتا ہے‘ میں کاجول نے ’انجلی‘ کا کردار نبھایا تھا جبکہ فلم میں شاہ رخ خان، رانی مکھرجی، سلمان خان، انوپم کھیر، ارچنا سنگھ، جونی لیور، فریدہ جلال ودیگر بھی موجود تھے۔
’کچھ کچھ ہوتا ہے‘ باکس آفس پر ہٹ ہوئی تھی اور اسے کئی ایوارڈز بھی ملے تھے۔
