کراچی : معروف اداکارہ ماہرہ خان کا سوشل میڈیا پر ’دو ٹکے کی عورت‘ کہنے والی صارف کو جواب دیتے ہوئے کہا کہ ’آپ کو بہترین تربیت کی ضرورت ہے‘۔
تفصیلات کے مطابق پاکستانی شوبز انڈسٹری کی عالمی شہرت یافتہ اداکارہ ماہرہ خان کی سماجی رابطے کی ویب سائٹ پر خاتون صارف کی جانب سے استعمال کیے گئے نازیبا الفاظ پر بھڑک گئی۔
سماجی رابطے کی ویب سائٹ ٹویئٹر پر مومل نامی خاتون صارف نے ماہرہ خان کےلیے انتہائی نازیبا الفاظ استعمال کرتے ہوئے ان پر نامناسب الزامات عائد کرتے ہوئے ماہرہ خان کو ’دو ٹکے کی عورت‘ کہا تھا۔
مومل نامی خاتون نے ماہرہ خان کو کہا تھا کہ آپ جیسی عورت کی معاشرے میں کوئی حیثیت نہیں ہوتی۔۔
Aap ki zehniat aap ke lafzon mein saaf nazar aati hai. Meri kamai halal ki hai, warna aap ko achay school bhejnay ka zima mein uthati! Jahan tak baat rahi 2 takay ki.. hum jaisi auretein apney aap par qeemat nahi lagati, na hi kisi aur insaan par 🙏🏼 https://t.co/BghSMGrgVC
— Mahira Khan (@TheMahiraKhan) December 19, 2019
ماہرہ خان اکثر خود پر ہونے والی تنقید کا جواب نہیں دیتیں تاہم اس بار ماہرہ خان نے خاتون صارف کو ان کے خلاف نازیبا زبان استعمال کرنے پر جواب دیتے ہوئے کہا آپ کی ذہنیت آپ کے لفظوں میں صاف نظر آرہی ہے۔
ان کا کہنا تھا کہ ’میری کمائی حلال کی ہے ورنہ آپ کو اچھے اسکول بھیجنے کا ذمہ میں اٹھاتی۔ جہاں تک بات رہی ”دو ٹکے“ کی تو ہم جیسی عورتیں اپنے آپ پر قیمت نہیں لگاتیں اور نہ ہی کسی اور انسان پر‘۔
اداکارہ کی جانب سے انتہائی شائشتہ انداز میں خاتون صارف کو کرارا جواب دینے پر دیگر صارفین کی جانب سے خوب سراہا جارہا ہے جبکہ تنقید کرنے والی خاتون خود صارفین کی تنقید کی زد میں آگئی۔
