کراچی: بین الاقوامی شہرتِ یافتہ پاکستانی اداکارہ ماہرہ خان نے انسٹاگرام پر ایک اور سنگ میل عبور کرلیا کیونکہ اُن کے فالوورز کی تعداد 53 لاکھ تک پہنچ گئیں۔
ماہرہ خان پاکستانی شوبز انڈسٹری کی واحد اداکارہ ہیں جن کے انسٹاگرام پر فالوورز کی تعداد سب سے زیادہ ہے جبکہ اُن کے بعد ایمن خان وہ دوسری اداکارہ ہیں جنہوں نے پچاس لاکھ کا ہندسہ عبور کیا۔
اقوام متحدہ کے ہائی کمیشن برائے مہاجرین کی خیرسگالی سفیر کے طور پر اعزازی کام کرنے والی ماہرہ خان کی مداح نے سماجی رابطے کی ویب سائٹ پر اداکارہ کو مینشن کر کے انسٹاگرام اکاؤنٹ کی تصویر شیئر کی اور مبارک باد دی۔
ایک اور صارف نے ماہرہ کو مشورہ دیا کیوں نا ! اس خوشی کے موقع پر ہم #AskMahiraکا ایک سیشن رکھیں؟۔ اداکارہ نے صارف کو جواب دیا کہ مجھے خود اس بات کا انتظار تھا، آپ لوگ فیصلہ کریں کہ یہ سیشن آج ہونا چاہیے، یا پھر اسے کل پر رکھیں؟‘۔
Yes I’ve been wanting to! Tomorrow? Tonight? You guys decide.
— Mahira Khan (@TheMahiraKhan) January 1, 2020
شفقت درے نامی صارف نے ماہرہ کے ٹویٹ پر جواب دیتے ہوئے لکھا کہ ’آج رات دس بجے‘، اس پر ماہرہ نے رضامندی ظاہر کی اور پوچھا کہ رات دس بجے ہی نا؟۔
Done! 10 pm ?
— Mahira Khan (@TheMahiraKhan) January 1, 2020
سوشل میڈیا صارفین اور مداحوں نے ماہرہ کی جانب سے سیشن کی رضامندی پر خوشی کا اظہار کیا۔
