کراچی: بین الاقوامی شہرت یافتہ پاکستانی اداکارہ ماہرہ خان نے بتایا ہے کہ انہیں ریل گاڑی دیکھتے ہی ہمیشہ ایک ہی بات محسوس ہوتی ہے۔
سماجی رابطے کی ویب سائٹ پر ریل گاڑی کی تصویر شیئر کرتے ہوئے ماہرہ خان نے لکھا کہ ’ہمیشہ ایسا ہوتا ہے کہ جب میں ٹرین دیکھتی ہوں تو مجھے ایک بات کا احساس ہوتا ہے‘۔
اداکارہ نے لکھا کہ ’مجھے ٹرین دیکھ ایسا محسوس ہوتا ہے کہ جیسے مجھے کوئی کہہ رہا ہو کہ جا ماہرہ جا، جی لے اپنی زندگی‘۔
یاد رہے کہ ماہرہ خان کا شمار صف اول کی اداکاراؤں میں ہوتا ہے، انہیں پاکستان اور بیرون ملک میں بھی بہت پسند کیا جاتا ہے، وہ اپنے مداحوں کے ساتھ رابطہ رکھنے کے لیے سوشل میڈیا پر بھی متحرک رہتی ہیں۔
واضح رہے کہ یہ ڈائیلاگ بالی ووڈ کی شہرہ آفاق فلم دل والے دلہنیا (ڈی ڈی ایل جے) کا ہے، سالوں گزر جانے کے بعد مداح آج بھی کنگ خان اور اداکارہ کاجل کی فلم شوق سے دیکھتے ہیں۔
View this post on Instagram
یہ بتانا ضروری ہے کہ ماہرہ خان تین برس قبل شاہ رخ خان کے ساتھ بالی ووڈ فلم رئیس سے اپنا ڈیبیو کرچکی ہیں، انہوں نے فلم میں اداکاری کے ذریعے اپنی صلاحیتوں کا لوہا منوایا تھا۔
