کراچی: بین الاقوامی شہرت یافتہ اداکارہ ماہرہ خان کو سردرد کی تکلیف سے چھٹکارا مل گیا۔
تفصیلات کے مطابق معروف پاکستانی اداکارہ ماہرہ خان نے چند روز قبل سماجی رابطے کی ویب سائٹ ٹویٹر پر اپنی بیماری کا ذکر کرتے ہوئے مداحوں نے دیسی نسخے کا مشورہ مانگا تھا۔
ماہرہ نے اپنے ٹویٹ میں بتایا تھا کہ ان کے سر میں شدید درد ہے وہ ہر 4 سے 6 گھنٹے میں دوا لے رہی ہیں لیکن اس سے کوئی فرق نہیں پڑ رہا کوئی دیسی نسخہ بتادیں۔
مداحوں کی جانب سے ماہرہ خان کو متعدد نسخے بتائے گئے تھے اداکارہ نے جن پر عمل بھی کیا۔
ماہرہ خان نے اپنے دوسرے ٹویٹ میں بتایا ہے کہ ان کی طبیعت ٹھیک ہوگئی ہے اور وہ مداحوں کی شکر گزار ہیں کہ انہوں نے ان کو دیسی نسخے بتائے۔
انہوں نے لکھا کہ ’مجھے بہت اچھا لگا کہ آپ سب نے اتنی محبت کے ساتھ بہترین مشورے دئیے، میں نے ان پر عمل بھی کیا اور بے شمار نسخے آزمائے لیکن میں یقینی طور پر نہیں کہہ سکتی کہ کون سا نسخہ راز آگیا۔‘
It was really sweet for all of you to send me so much love and great remedies. I did a lot of what you all suggested so I’m not sure what worked 🙈Ama did dum on my head, I ate almonds, Black coffee, bananas, also did some steam etc 🙂 I’m better, thank you❣️
— Mahira Khan (@TheMahiraKhan) February 1, 2020
ماہرہ خان نے کہا کہ میری امی نے میرے سر پر دم بھی کیا، میں نے بادام، بلیک کافی اور کیلے کھانے کے ساتھ ساتھ بھاپ بھی لی تھی۔
یہ پڑھیں: ماہرہ خان کی طبیعت ناساز، مداحوں سے مشورہ مانگ لیا
سردرد سے نجات کا بتاتے ہوئے ماہرہ نے لکھا کہ میں اب ٹھیک ہوگئی ہوں اور اپنے چاہنے والوں کی شکر گزار ہوں، مداحوں نے ان کی طبیعت ٹھیک ہونے پر خوشی کا اظہار کیا۔
