پاکستان کی معروف اداکارہ ماہرہ خان اور معروف گلوکار و اداکار اذان سمیع کی ڈانس ویڈیو نے سوشل میڈیا پر تہلکہ مچادیا۔
فوٹو اینڈ شیئرنگ ایپ انسٹاگرام پر اداکارہ ماہری خان نے اذاب سمیع کی سالگرہ کے موقع پر ایک ویڈیو شیئر کی، جس میں انہیں رومانوی ڈانس کرتے ہوئے دیکھا جاسکتا ہے۔
View this post on Instagram
ویڈیو میں ماہرہ خان اور اذان سمیع اپنے رومانوی گانے ‘تو’ کے لیے ڈانس ریہرسلز کررہے ہیں، ماہرہ خان نے اس ویڈیو کے علاوہ اذان سمیع کے ہمراہ اپنی چند تصاویر بھی انسٹاگرام اسٹوری میں شیئر کی تھیں اور گلوکار کو سالگرہ کی مبارکباد پیش کی تھی۔
اداکارہ نے اذان سمیع کی موسیقی کی تعریف کرتے ہوئے کہا تھا کہ تم اپنے گانوں میں وہ سب بیان کردیتے ہیں جو میں کبھی اپنے بارے میں بیان نہیں کرسکی۔
اُنہوں نے اپنی ایک اور اسٹوری میں اذان سمیع سے مخاطب ہوتے ہوئے کہا تھا کہ تم مزید محنت کرو تاکہ جلد ہی گریمی ایوارڈ حاصل کرسکو، میں بےصبری سے تمہارے ایوارڈ کا انتظار کررہی ہوں۔
واضح رہے کہ ماہرہ خان اور اذان سمیع گانا ‘تو’ سے پہلے بھی ایک ساتھ کام کرچکے ہیں، دونوں فنکاروں نے فلم ’سپر اسٹار‘ میں ایک ساتھ کام کیا تھا۔
