شوبز انڈسٹری کی سینئر اداکارہ ماہرہ خان دوسری بار شادی کے بندھن میں بندھ گئیں، اداکارہ نے شادی کے لئے اپنے پرانے دوست اور کاروباری شخصیت سلیم کریم کا انتخاب کیا۔
اے آر وائی نیوز کے مطابق معروف اداکارہ ماہرہ خان کی شادی کی تقریب میں محدود تعداد میں قریبی دوست اور رشتہ دار شریک ہوئے۔
MAHIRA WEDS SALIM✨#MahiraKhan pic.twitter.com/h4CevoEEIY
— . (@toheedx_) October 1, 2023
اداکارہ کی شادی کی تصاویر ان کی منیجر انوشے طلحہ خان نے سوشل میڈیا پر جاری کیں، وائرل کی گئی تصاویر میں دیکھا جاسکتا ہے کہ ماہرہ خان نے سفید جوڑا زیب تن کیا ہوا ہے۔
واضح رہے کہ ماہرہ خان رئیس، ورنہ، سات دن محبت،بول، منٹو، ایکٹر ان لاجیسی فلموں میں اداکاری کے جوہر دکھا چکی ہیں، جبکہ ان کی حال ہی میں آنے والی فلم دی لیجنڈ آف مولا جٹ نے ریکارڈ کامیابی حاصل کی۔
یاد رہے کہ اداکارہ ماہرہ خان کی اس سے قبل 2007 میں علی عسکری سے پہلی شادی ہوئی تھی تاہم جورے کے درمیان 2015میں علیحدگی ہوگئی تھی۔
