پاکستانی شوبز انڈسٹری کی معروف اداکارہ ماہرہ خان نے اپنی شادی کی تقریبات کی مزید تصاویر مداحوں کے ساتھ شیئر کر دیں۔
ماہرہ خان نے اپنے انسٹاگرام اکاؤنٹ سے دعا اور مایوں کی تقریب کی تصاویر جاری کیں۔ اداکارہ کی شادی کا آغاز دعا کی خوبصورت تقریب سے ہوا جس میں خاندان اور کچھ دوستوں نے شرکت کی۔
اس موقع پر انہوں نے گولڈن چُوری دار پاجامے کے ساتھ گولڈن کڑھائی والی قیمض کا انتخاب کیا۔
پھر مایوں کی تقریب کا اہتمام کیا گیا جس میں اداکارہ نے روایتی لباس کا انتخاب کیا۔ ایک تصویر میں ماہرہ خان کے بھائی کو ان کے ساتھ دیکھا جا سکتا ہے۔
متعلقہ: ماہرہ خان کی شادی، ویڈیو سامنے آگئی
ماہرہ خان نے تصاویر شیئر کرتے ہوئے کیپشن میں لکھا کہ والدہ کی خواہش تھی کہ شادی کا آغاز دعا سے ہو، وہیل چیئر پر ہونے کے باوجود میری خوبصورت والدہ نے ساری تیاریاں کیں، انہوں نے بیٹھ کر ہی ساری چیزوں کو مینج کیا۔
مداحوں کے نام پیغام:
ماہرہ خان نے حال ہی میں اپنے دیرینہ دوست بزنس مین سلیم کریم سے شادی کی۔ انہوں نے گزشتہ روز مداحوں کے نام پیغام جاری کیا جس میں ان کا کہنا تھا کہ میں آپ لوگوں کے پیار اور دعاؤں کی مشکور ہوں اور مسلسل اللہ تعالیٰ کا شکر ادا کر رہی ہوں۔
اداکارہ کا کہنا تھا کہ میں آپ لوگوں کے ساتھ خوشی کے مزید لمحات شیئر کروں گی، مداحوں سے درخواست ہے کہ وہ میرے، اذلان (بیٹا) اور سلیم کیلیے دعائیں کریں۔
ان کا کہنا تھا کہ یہ میری زندگی کا مشکل ترین فیصلہ تھا جو آسانی کے ساتھ ہوگیا۔
