اسلام آباد: پاکستان کی نامور اداکارہ ماہرہ خان کے لیے بڑا اعزاز ہے کہ انہیں اقوام متحدہ کے ہائی کمیشن برائے مہاجرین کی خیرسگالی سفیر مقرر کردیا گیا۔
تفصیلات کے مطابق اداکاری کے میدان میں کامیابی کے جھنڈے گاڑنے والی ماہرہ خان بے سہارا مہاجرین کی آواز بھی بن گئیں، انہیں اقوام متحدہ کے ہائی کمیشن برائے مہاجرین کی خیرسگالی سفیر مقرر کر دیاگیا ہے۔
اس حوالے سے اسلام آباد میں ایک تقریب کا انعقاد کیا گیا جس میں (یو این ایچ سی آر) نے ماہرہ خان کو پاکستان کے لیے اقوام متحدہ کے ہائی کمیشن برائے مہاجرین کی خیرسگالی سفیر نامزد کرنے کا باقاعدہ اعلان کیا۔
We're delighted to announce that @themahirakhan is our newest Goodwill Ambassador for Pakistan. 👏 pic.twitter.com/SAPjBY7E05
— UNHCR, the UN Refugee Agency (@Refugees) November 6, 2019
یو این ایچ سی آر نے اپنے آفیشل ٹوئٹر اکاؤنٹ پر ماہرہ خان کی ایک ویڈیو پوسٹ کی ہے جس میں وہ اقوام متحدہ کی کیپ پہنے مہاجرین کے ساتھ وقت گزار رہی ہیں۔
ماہرہ خان نے اس پوسٹ کو ری ٹوئٹر کرتے ہوئے لکھا کہ مہاجرین کی خیرسگالی سفیر بننا میرے لیے ایک بڑے اعزاز کی بات ہے، مجھے اپنی اس دھرتی ماں پر پیدا ہونے پر فخر ہے جس نے 40 سالوں سے مہاجرین کے لیے اپنے ہاتھ کھول رکھے ہیں۔
Grateful and honoured to be a @Refugees goodwill ambassador for Pakistan🙏🏼Proud to be born to a motherland that has opened its arms to refugees for over 40 years 🇵🇰🙌🏼 @UNHCRPakistan https://t.co/kGagHGJLlv
— Mahira Khan (@TheMahiraKhan) November 6, 2019
