اسلام آباد: سربراہ پشتونخوا ملی عوامی پارٹی محمود خان اچکزئی بھارت نوازی میں ایک اور آگے بڑھ گئے۔
تفصیلات کے مطابق سربراہ پشتونخوا ملی عوامی پارٹی نے بھارتی یوم جمہوریہ کی تقریب میں شرکت کی، بھارت کے یوم جمہوریہ کی تقریب اسلام آباد کے مقامی ہوٹل میں منعقد ہوئی۔
نمائندہ اے آر وائی نیوز ذوالقرنین حیدر کے مطابق تقریب میں پاکستان کی جانب سے کسی نے سرکاری سطح پر شرکت نہیں کی، تقریب بغیر مہمان خصوصی کے شروع کی گئی تھی۔
واضح رہے کہ 26 جنوری کے موقع پر بھارتی یوم جمہوریہ کے موقع پر مقبوضہ کشمیر میں بھی یوم سیاہ منایا جاتا ہے۔
مزید پڑھیں: چوہدری نثار نے محمود خان اچکزئی کو متنازعہ بیان پر آڑے ہاتھوں لے لیا
اس سے قبل 2016 میں ن لیگ کے وزیر داخلہ چوہدری نثار نے پختونخواہ ملی عوامی پارٹی کے سربراہ کو آڑے ہاتھوں لیتے ہوئے سوال کیا کہ ’’محمود اچکزئی نے مودی کے بیان پر کوئی ردعمل کیوں نہیں دیا؟، انہوں نے محمود اچکزئی سے مزید سوال کرتے ہوئے پوچھا کہ ’’وہ بتائیں ایسا کون سا سماج دشمن ہے جو ایجنسیز سے تنخواہ دار ہیں ؟‘‘۔
یاد رہے سانحہ کوئٹہ کے بعد پختونخوا ملی عوامی پارٹی کے سربراہ نے سکیورٹی اداروں پر تنقید کرتے ہوئے کہا تھا کہ ’’ہر بات کا الزام را پر عائد نہیں کیا جاسکتا، ہمیں اپنی پالیسیوں پر نظر ثانی کرنی پڑے گی‘‘۔
