site
stats
پاکستان

فاٹا آزاد علاقہ ہے، پاکستان کا حصہ نہیں: محمود اچکزئی کے بیان پر قومی اسمبلی میں ہنگامہ

اسلام آباد: حکومتی اتحادی محمود خان اچکزئی نے فاٹا کو آزاد علاقہ قرار دے دیا۔ محمود اچکزئی کے بیان پر قومی اسمبلی میں شدید ہنگامہ برپا ہوگیا۔

تفصیلات کے مطابق اسلام آباد میں قومی اسمبلی کے اجلاس میں حکومتی اتحادی محمود خان اچکزئی نے کہا کہ فاٹا آزاد علاقہ ہے، پاکستان کا حصہ نہیں۔ اچکزئی کے اس بیان پر قومی اسمبلی میں ہنگامہ آرائی شروع ہوگئی۔

اپنے ریمارکس میں اچکزئی کا کہنا تھا کہ پارلیمنٹ کا فاٹا پر کوئی حق نہیں، فاٹا کو چھیڑا تو فوج وہاں پھنس جائے گی۔

محمود خان اچکزئی کے ریمارکس پر رکن قومی اسمبلی علی محمد خان نے کہا کہ جسے کابل پسند ہے وہ اس پارلیمنٹ میں کیا کر رہا ہے؟

بعد ازاں فاٹا کے معاملے پر اپوزیشن پیپلز پارٹی نے تیسرے روز بھی اجلاس سے واک آؤٹ کیا۔

اس موقع پر اپوزیشن لیڈر خورشید شاہ کا کہنا تھا کہ فاٹا کےعوام پہلے قانون اور آئین مانگ رہے ہیں۔ جب تک فاٹا کے عوام کو حق نہیں دیا جاتا، ایوان میں نہیں بیٹھیں گے۔

خورشید شاہ نے مزید کہا کہ تمام اسٹیک ہولڈرز کو آنکھیں کھول کر کام کرنا ہوگا۔ پارلیمنٹ کو ربر اسٹیمپ بنانے کی کوشش کی گئی، ہم پارلیمنٹ کو کسی کی جاگیر نہیں بننے دیں گے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top