The news is by your side.

Advertisement

سفاک مالکن نے ملازمہ کو دردناک طریقے سے مار ڈالا

سنگاپور : مالکن نے اپنی ملازمہ کو انتہائی بہیمانہ اور دردناک طریقے سے موت کے گھاٹ اتار دیا، عدالت میں ملزمہ کیخلاف عمر قید کی سفارش کی گئی ہے۔

سنگاپور میں ایک گھریلو ملازمہ سے انتہائی برا سلوک اور پھر قتل کے ایک خوفناک واقعے میں مرکزی ملزمہ نے اعتراف جرم کرلیا ہے۔ بھارتی نژاد ملزمہ نے اپنی ملازمہ کو اس بے رحمانہ طریقے سے قتل کیا جس کی کوئی دوسری مثال نہیں۔

اس حوالے سے غیر ملکی میڈیا رپورٹ میں بتایا گیا ہے کہ40سالہ ملزمہ گائتری موروگیان نے جس طرح کے جرائم کا ارتکاب میانمار سے تعلق رکھنے والی اپنی 24 سالہ ملازمہ کے ساتھ کیا اس کی کوئی اور مثال موجود نہیں ہے۔

 ایک مقامی عدالت میں دیے گئے اپنے بیان میں گائتری موروگیان نے سماعت کے دوران  بتایا کہ وہ اپنی گھریلو ملازمہ پیانگ گائے ڈون کے قتل کی مرتکب ہوئی تھی۔

ملزمہ نے اعتراف جرم کرتے ہوئے کہا کہ اس نے مقتولہ ملازمہ پر چھری سے حملے کیے تھے، اسے ڈنڈوں سے پیٹا تھا، اس کا جسم استری سے جلایا تھا اور پھر اس کا گلا اتنا دبایا تھا کہ پیانگ گائے ڈون کا انتقال ہو گیا تھا۔

ملزمہ کے حتمی اعتراف جرم کے بعد عدالت نے اسے مجرم قرار دے دیا ہے۔ عدالت ملزمہ کے لیے سزا کا اعلان بعد میں کرے گی جو کم از کم بھی عمر قید ہوسکتی ہے۔

Comments

یہ بھی پڑھیں