جعفرآباد : نجی اسکول میں 5 طلبا سے بدفعلی میں ملوث مرکزی ملزم عبداللطیف کو 28 روز بعد گرفتار کرلیا گیا۔
جعفرآباد میں نجی اسکول کے 5 طلبہ سے بدفعلی میں ملوث مرکزی ملزم کو ڈیرہ اللہ یار پولیس نے پنجاب سے گرفتار کرلیا، ڈیرہ اللہ یار کے جوڈیشل مجسٹریٹ نے ملزم کو 7 روزہ جسمانی ریمانڈ پر پولیس تحویل میں دیدیا۔
تفصیلات کے مطابق جعفرآباد میں نجی اسکول کے 5 طلبہ سے بدفعلی میں ملوث مرکزی ملزم کو ڈیرہ اللہ یار پولیس نے پنجاب سے گرفتار کرلیا۔
ملزم کو 28 روز بعد پنجاب کے ضلع مظفر گڑھ سے گرفتار کیا گیا، جوڈیشل مجسٹریٹ نےملزم کا 7 روزہ جسمانی ریمانڈ دیا ہے۔
یاد رہے نجی اسکول میں 5 کمسن طلبہ سے بدفعلی کا واقعہ پیش آیا تھا، پولیس نے فوری کاررٶائی کرتے ہوئے 2 ملزمان پرنسپل ندیم اور وارڈن ابراہیم کو گرفتارکرلیا تھا تاہم اسکول ٹیچر عبداللطیف فرار ہوگیا تھا۔
ایس ایس پی جعفرآباد عطاء الرحمٰن ترین نے ملزم کی گرفتاری کے لیے اسپیشل ٹیم تشکیل دیدی تھی، اسپیشل ٹیم کے اسسٹنٹ سب انسپکٹر غلام حسین جمالی اور طارق بہرانی نے ملزم کو گرفتار کرلیا۔
