دنیا بھر میں امام حسین کی قربانی کی یاد میں یوم عاشور پر عزاداری کی گئی اور جلوس برآمد ہوئے۔ دنیا بھر میں نواسہ رسول کی یاد میں مجالس اور ماتمی جلوس بر آمد ہوئے۔
عراق کے شہر کربلا میں تیس لاکھ افراد نے امام حسین کے روضہ پر حاضری دی عراقی دارالحکومت بغداد میں عاشورہ پر سیکیورٹی کے سخت ترین انتظامات کئے گئے۔
یوم عاشور پر تہران سمیت مختلف شہروں میں عزاداروں نے شہدائے کربلا کی یاد میں سینہ کوبی اور زنجیر زنی کی۔
شام میں بھی حضرت امام حسین کی یاد میں جلوس اور مجالس کا اہتمام کیا گیا ۔ امریکہ اور یورپ میں بھی شہادت امام حسین کی یاد میں جلوس برآمد ہوئے۔
کابل میں عاشورہ پرسیکیورٹی کےسخت انتظامات تھے۔ شہر کے حساس علاقوں میں پولیس اہلکار اور فوجی تعینات تھے ۔بحرین میں ماتمی جلوسوں میں ہزاروں عزا دار شریک ہوئِے۔
