برطانیہ کی حکومت نے ملک کے تمام ایئرپورٹس پر سیکیورٹی قوانین میں نرمی کا منصوبہ بنایا ہے جس پر عملدرآمد شروع کیا جا رہا ہے۔
غیر ملکی میڈیا کے مطابق برطانیہ کی حکومت نے ملک کے تمام ہوائی اڈوں پر سیکیورٹی قوانین میں نرمی کا منصوبہ بنایا ہے جس پر عملدرآمد شروع کرتے ہوئے سیکیورٹی چیک کی نئی اور جدید مشینیں نصب کی جا رہی ہیں۔
اس حوالے سے برطانوی محکمہ ٹرانسپورٹ کا کہنا ہے کہ ایئرپورٹس پر مائع اور پرفیوم کی 100 ملی لیٹر تک کی پابندی ختم کی جا رہی ہے اس کے ساتھ ہی لیپ ٹاپ کو بھی الگ سیکیورٹی چیک سے مستثنیٰ قرار دیا جا رہا ہے۔
نئے سیکیورٹی قوانی کے مطابق اب سیکیورٹی چیک پوائنٹس پر ہینڈ بیگ سے ٹیبلٹس اور لیپ ٹاپ کو ہٹانے کی بھی ضرورت نہیں ہوگی اور مسافروں کو دو لٹر تک مائع اشیا ساتھ لے جانے کی سہولت ہوگی۔
برطانوی محکمہ ٹرانسپورٹ کے مطابق ہوائی اڈوں پر سیکیورٹی کی نرمی کا اطلاق 2024 میں ہو جائے گا۔
واضح رہے کہ موجودہ قوانین دہشت گردی کے خاتمے کے لیے 2006 میں عائد کیے گئے تھے۔
