The news is by your side.

Advertisement

شرعی عدالت کا بڑا فیصلہ؛ ’’سورا‘‘ کی رسم غیراسلامی قرار

وفاقی شرعی عدالت نے ’’سورا‘‘ کی رسم کو غیراسلامی قرار دے دیا۔ ‏

تفصیلات کے مطابق چیف جسٹس وفاقی شرعی عدالت کی سربراہی میں 3 رکنی بینچ نےسماعت کرتے ہوئے سورا ‏کے خلاف درخواست پر فیصلہ سنایا ہے۔

فیصلے میں سورا کی رسم کو غیر اسلامی اور اسلامی تعلیمات کے منافی قرار دیتے ہوئے کہا گیا ہے کہ سورا رسم ‏ملک کےمختلف علاقوں میں مختلف ناموں سے ہے تعزیرات پاکستان کی مختلف دفعات کےتحت سورارسم جرم ‏ہے۔

سورا کی رسم میں عورت کو صلح کے بدلےدوسرے فریق کو دیا جاتا ہے۔ یہ قبائلی اضلاع میں آج بھی موجود ہے ‏جس میں قاتل کو جرگے کے فیصلے پر بہن، بیٹی یا بھتیجی مقتول کے اہل خانہ کو دینا ہوتی ہے۔

سورا رسم کیخلاف درخواست شرعی عدالت میں دائرکی گئی تھی جس پر فریقین کے دلائل سننے بعد آج فیصلہ ‏سنایا گیا۔

Comments

یہ بھی پڑھیں