پنجاب میں ڈینگی کا زور ٹوٹنے کے بعد ایکسپو سینٹر میں قائم ڈینگی فیلڈ اسپتال کی انڈور سہولیات 16 نومبر بروز منگل سے بند کرنے کا فیصلہ کیا گیا ہے۔
سیکرٹری صحت ڈاکٹر احمد جاوید قاضی کے مطابق بندش کا فیصلہ ڈینگی فیلڈ مینجمنٹ کمیٹی اور چئیرمن ڈیاگ کی سفارشات کی روشنی میں کیا گیا ہے۔
صوبائی وزیر صحت ڈاکٹر یاسمین راشد نے ڈینگی فیلڈ مینجمنٹ کمیٹی کی سفارشات پر منظوری دے دی ہے۔
ڈاکٹر احمد جاوید قاضی کا کہنا ہے کہ 15 نومبر بروز پیر ڈینگی فیلڈ ہسپتال میں انڈور سہولت کا آخری دن ہوگا ڈینگی فیلڈ اسپتال میں داخل مریضوں کو میو ہسپتال، جناح ہسپتال یا مریضوں کے گھروں کے نزدیکی اسپتالوں میں منتقل کردیا جائے گا۔
ان کا کہنا ہے کہ ڈینگی فیلڈ اسپتال میں ٹرائی ایج ایریا اور آؤٹ ڈور کی سہولت 18 نومبر جمعرات کی شام تک فعال رہے گی ڈینگی فیلڈ اسپتال سے مریضوں کو نزدیکی ہسپتالوں میں منتقل کرنے کے لیے ایمبولینس سروس موجود رہے گی، سی بی سی اور دیگر ٹیسٹوں کی سہولت بھی 18 نومبر تک برقرار رہے گی۔
