The news is by your side.

Advertisement

میجر جنرل سرفرازستار کی ترقی، لیفٹیننٹ جنرل مقرر

اسلام آباد : میجر جنرل سرفرازستار کو لیفٹیننٹ جنرل کے عہدے پر ترقی دیدی گئی ہے۔

آئی ایس پی آر کے ترجمان کی جانب سے جاری کیے گئے ایک اعلامیے کے مطابق میجر جنرل سرفراز ستار کو اُن کی اعلیٰ پیشہ ورانہ خدمات ،مہارت اور صلاحیتوں کو مد نظر رکھتے ہوئے لیفٹیننٹ جنرل کے عہدے پر ترقی دے دی گئی ہے،اعلامیہ کا اطلاق فوری طور پر کیا جائے گا۔

لیفٹیننٹ جنرل کے عہدے پر ترقی پانے والے میجر جنرل سرفراز ستار اس وقت بطور جی او سی انفنٹری ڈویژن سیالکوٹ میں اپنے فرائض انجام دے رہے تھے جو اب لیفٹیننٹ جنرل کے فرائض انجام دیں گے۔

لیفٹیننٹ جنرل سرفراز ستار اس سے قبل بھارت میں ڈیفنس اتاشی بھی رہ چکے ہیں جب کہ بطور ڈی جی ملٹری انٹیلی جینس بھی اپنے فرائض سے بخوبی عہدہ براء ہو چکے ہیں، انہوں نے 1984 میں آرمڈ کورڈ میں کمیشن حاصل کیا۔

 

Print Friendly, PDF & Email

Comments

comments

یہ بھی پڑھیں