اے این ایف نے خفیہ اطلاع پر اسلام آباد ایئرپورٹ پر کارروائی کرتے ہوئے دستانوں میں چھپا کر ہیروئن اسمگلنگ کی کوشش ناکام بنادی۔
اے آر وائی نیوز کے مطابق اے این ایف نے خفیہ اطلاع پراسلام آباد انٹرنیشنل ائیرپورٹ پر کارروائی کرتے ہوئے گارمنٹس، کراکری اور دستانوں پر مشتمل کارگو سے بھاری مقدار میں ہیروئن برآمد کرلی۔
ذرائع کے مطابق پکڑی گئی ہیروئن بیس کلوگرام ہے جو دستانوں میں بڑی مہارت سے چھپائے گئے تھے۔
ترجمان اے این ایف کے مطابق مذکورہ کارگو کراچی کی ایک کمپنی کی جانب سے برطانیہ کیلیے بک کروایا گیا تھا، اے این ایف کے عملے نے بروقت کارروائی کرتے ہوئے اسمگلنگ کی کوشش ناکام بنا دی۔
ترجمان کے مطابق ملوث ملزمان کی گرفتاری کے لیے تحقیقات کا آغاز کر دیا گیا ہے۔
علاوہ ازیں اےاین ایف انٹیلی جنس اوراےاین ایف کوئٹہ کی مشترکہ کارروائی کرتے ہوئے پشین میں کار سے60کلوگرام چرس آمد کرکے 2ملزمان کو گرفتار کرلیا ہے۔
