اسلام آباد : مولانا مسعود الرحمان عثمانی کے قتل میں قتل میں استعمال دونوں پستول اوردونوں موٹر سائیکل برآمدکرلی گئیں۔
تفصیلات کے مطابق مولانا مسعود الرحمان عثمانی کے قتل کی تحقیقات میں اہم پیشرفت سامنے آگئی، قتل میں استعمال دونوں پستول اوردونوں موٹر سائیکل برآمدکرلی گئیں۔
اس کے ساتھ ہی رابطہ کاری کے لیے استعمال ہونے والے موبائل بھی برآمد کیاگیا ہے۔
- Advertisement -
واردات کے بعدایک پڑوسی ملک سےآنےوالی کال بھی ٹریس کی گئی، کال میں کہا گیا فوری طور ملک چھوڑ کر ہمسایہ ملک پہنچ جائیں۔
واردات کے بعد موٹر سائیکل چھوڑ کر ملزمان جس گاڑی میں فرار ہوئے وہ بھی برآمدکرلی گئی ہے، برآمد گاڑی ماسٹر مائنڈ سید مجتبیٰ حیدر کی اہلیہ کے نام رجسٹرڈ ہے، گاڑی کے اندر سے واردات کے بعد فرار ہونے کا پلان دستاویزی شکل میں برآمد ہوا۔
