The news is by your side.

Advertisement

مکہ المکرمہ : منیٰ میں خیموں کی تقسیم :عازمین حج کیلئے اہم خبر

مکہ المکرمہ : سعودی عرب میں ایام حج کے موقع پر عازمین حج کو سہولیات کی فراہمی کیلئے ہرممکن اقدامات کیے جاتے ہیں۔

اس حوالے سے سعودی وزارت حج و عمرہ نے کہا ہے کہ منیٰ میں حج کمپنیوں کو خیمے الاٹ کرنے کا کام مکمل کرلیا گیا ہے۔

سعودی ذرائع ابلاغ کے مطابق وزارت کے صدر دفتر ریاض میں نائب وزیر حج و عمرہ ڈاکٹر عبدالفتاح مشاط اور بڑے عہدیداروں کی موجودگی میں اہم اجتماع ہوا ہے۔

وزارت نے کہا ہے کہ سب سے پہلے منیٰ ٹاورز کمپنیوں کو الاٹ کئے گئے ہیں جس کے بعد دوسری اور تیسری کیٹگری کے خیموں کی تقسیم ہوئی ہے۔

نائب وزیر حج وعمرہ ڈاکٹر عبدالفتاح مشاط نے کہا ہے کہ حج کے خواہشمندوں کی رجسٹریشن کا آغاز 10 دن کے اندر شروع ہوگا۔

انہوں نے کہا ہے کہ رجسٹریشن کے بعد درخواستوں کا جائزہ لیا جائے گااور اس کے بعد حتمی نتائج کا اعلان ہوگا۔

انہوں نے کہا ہے کہ امسال حج کے لیے مشاعر مقدسہ میں تیاریوں کا کام مکمل ہوچکا ہے۔ وزارت اور اس کے ماتحت ادارے عازمین کو بہترین خدمات فراہم کریں گے۔

Comments

یہ بھی پڑھیں